Preme na imaxe de KIKO DASILVA para acceder a esta entrevista da RTVG na que nos fala sobre o seu traballo no "GARAXE HERMÉTICO" cos seus alumnos e sobre as súas recentes publicacións:
27/12/13
OS NOSOS CÓMICS
Os rapaces e rapazas de 5º de Primaria aprenderon moitas cousas sobre a banda deseñada ao longo do trimestre. Como mostra aquí tendes algún dos seus traballos.
15/12/13
ASTERIX E OS PICTOS
Chega o novo álbum da colección clásica de Astérix cos personaxes de sempre e moitos novos: varios clans enteiros, de feito! Desta volta, Astérix e Obélix viaxan a Caledonia, a Escocia romana.
6/12/13
GOLFIÑO E OS INVASORES
A humanidade aínda non o sabe, pero a invasión está en marcha! O que empeza como unha tranquila tarde no parque, convértese para Golfiño e os seus amigos nunha trepidante aventura, na que deberán enfrontarse a unha raza alieníxena que chega á terra con propósitos inconfesables...
Versíón integra en formato panorámico, cos diálogos orixinais ao completo e a cor totalmente restaurada.
VIDA DE NAI
Gemma Sesar (conta a historia)
Ramón Marcos (debuxa)
Jorge Castelli (colorea)
Velaquí a historia dunha nai de hoxe en día, con dous fillos pequenos, sen axuda para atendelos e unha empresa que trata de sobrepoñerse á crise. A vida non está feita para combinar estes dous factores: nenos e pemes, así que estas 63 páxinas se desenvolven entre a tolemia duns pais mergullados nun mundo laboral tremendamente complexo e a ledicia de Estela e Teo, que coa súa inocencia fan que todo cambie en cuestión de segundos
30/11/13
LIM SOBRE BANDA DESEÑADA
Actividades LIM sobre a Banda Deseñada para os máis pequenos. Chéganos dende O Outeiro das Penas en Cesantes (Redondela). Premede na imaxe para acceder a el.
18/11/13
CARTAS DE INVERNO. NOVELA GRÁFICA
 |
| PREME NA IMAXE |
Recentemente publicouse unha versión en novela gráfica, do libro "CARTAS DE INVERNO" do escritor galego Agustín Fernández Paz.
Esta nova versión en banda deseñada corre a cargo de Antonio Seijas, que recolle os personaxes e ambientes creados polo autor na súa novela de terror.
«Toas as pezas encaixan para conformaren unha obra con valor de seu. De aí que declare a miña alegría ante a publicación destas novas Cartas de inverno». Agustín Fernández Paz
MARCOPOLA. A ILLA REMEIRA 2. OS PIRATAS DA LÚA
 |
| PREME NA IMAXE |
Segunda entrega desta saga do autor e ilustrador Jacobo Fernández Serrano. Áxil, divertida e emocionante, esta serie narra as aventuras dunha illa que, un día, decide surcar o océano.
Nesta nova aventura MARCOPOLA e LIBRO coñecen os Piratas da Lúa, unha estrafalaria banda de mariños nocturnos moi amigos da festa rachada. Xuntos pasarano de marabilla, mais tamén haberán de enfrontarse ao malvado Almirante Cobreguiña e á súa desapiadada tripulación.MARCOPOLA. A ILLA REMEIRA 1. AS ORIXES DE MARCOPOLA
 |
| PREME NA IMAXE |
Escrito e Ilustrado por Jacobo Fernández Serrano e publicado pola editorial Xerais.
MARCOPOLA, antes de chamarse Marcopola, era unha illa illada no medio do océano, e aburríase moito. Todo cambiou aquela mañá en que un estraño obxecto apareceu na súa praia. Que sería esa cousa tan rara? Para que serviría? Marcopola. A illa remeira é o inicio dunha serie de cómic para os primeiros lectores que seguirá coa publicación de Marcopola e os piratas da Lúa!
11/11/13
Suscribirse a:
Entradas (Atom)